“pakala a! sina ken ala pali e ni, kasi jaki o.” ona li utala e ilo awen. ona li lon luka ona li lon noka ona li lon anpa pi lawa ona. supa lape suli poka en ilo awen li wan li linja. ona li awen e ona lon weka lili. “mi Telan pi ken suli! mi kama lili ala tan pali pi kasi jaki!”. kasi pi ma ante li lon supa monsi lon poka ante tomo. ona li lukin wawa e jan Elila. sinpin ona la, uta pi pilin pona lili li lon. jan awen li pini lape la, ona li kepeken ilo. ona li tawa sin ona.
jan Elila li utala wawa e ilo awen ona. ona li lukin wawa e kasi awen ona. “o kute e mi a! mi pona! sina ike!”. toki ni la, kasi pi ma ante li kalama musi lili. linja kasi mute ona li tawa sama sinpin sijelo ona. “ni li musi tawa sina, kasi Apini o?!”. jan Elila li pana e telo uta tawa ma ona. kon ona li kama wawa. “jan sama mi li kama jo e mi la, ona li seli e ale pi linja kasi jaki sina!
kasi Apini li pini kepeken ilo ona kepeken tenpo lili. tenpo lili taso la, linja ona en kulpu lipu ona li pini tawa.